Ang Paraw Regatta ang yara na karon sa ika-38
sini ka tuig kag ang subong nga tema sang festival amo ang
“Honoring a Proud Sea-faring Tradition”.
Labot sa kompetisyon, ang Paraw Regatta ang
may doha ka mga kategoriya, ang Category “A” kag
Category “B”.
Dugang pa, paga-kalagingon man ang mga paraw
entry sa duha, ang painted kag unpainted paraw nga may separado
man nga premyo.
Sa Category “A”, ang mga magapaindis-indis
nga paraw ang may waterline length humalin 16 feet panubo
kag hull kag outrigger ang dapat human sa indigenous materials
samtang sa Category “B” naman ang paraw dapat
may waterline length nga 16.1 feet tubtob 22 feet, ang hull
sini dapat human sa kahoy samtang mahimo naman nga human sa
aluminum ang outriggers.
Ginapaabot nga
mas madamo ang magapartisipar sa subong nga tuig nga kompetisyon
sang Iloilo Paraw Regatta Festival 2010 kompara sang nagligad
nga tuig kon sa diin may 75 ka mga nagpasakop.
Tubtob Alas-siete gid lamang sa aga sa Pebrero
21, adlaw sang kompetisyon, natalana ang kataposan nga pagparehistro
ukon pagbaton sang mga paraw entry.
Ang paindis-indis ang magasakop sang distansya
nga 23.8 kilometros kon sa diin maga-umpisa sa Tatoy’s
Manokan and Seafoods sa Sto. Niño, Sur Arevalo bilang
starting point padulong sa Fort San Pedro, pa-Sto. Rosario
Buenavista, pa-Nagaba Point Jordan, pa- Bundolan Point, kag
magabalik sa Tatoy’s Manokan and Seafoods kon sa diin
ang finish line.
Sa Category “A”, ang mga premyo
amo ang mga masunod: 1st place- P15,000; 2nd place-P12,000;
3rd place-P9,000; 4th place-P6,000; 5th place-P5,000 kag 5th
tubtob 10th place ang magabaton sang tag-P3,000 nga cash.
May dugang nga premyo sa painted ukon may
pinta nga paraw, para sa 1st place-P8,000; 2nd place-P6,000;
3rd place-P4,000; 4th place 3,000 kag tag-P2,000 para sa 5th
tubtob 10th place.
Para sa Category “B”, ang 1st
place magapauli sang P20, 000 nga cash prize; 2nd place-P16,000;
3rd place-P13,000; 4th place-P10,000; 5th place-P8,000; 6th
place-P6,000; kag tag-P4,000 ang 7th tubtob 10th place.
Ang dugang nga premyo kon painted, para sa
1st place-P10,000; 2nd place-P8,000; 3rd place-P6,000; 4th
place-P4,000; tag-P3,000 ang makoha sang 5th tubtob 10th place.
Sa madumduman, lonsay nakuha sa entry gikan sa banwa sang Leganes ang una nga pwesto sa Category A (Paraw Arlyn) kag Category B (Paraw 2 Angels) sang nagligad nga tuig nga paindis-indis sang paraw regatta.
Ang Paraw Regatta sang Iloilo ang ginkilala
sang Association of Tourism Officers of the Philippines (ATOP)
bilang 3rd Best Sport Tourism Event sa pungsod sang nagligad
nga tuig.
Ang mayor nga tinutuyo sang paraw regatta
amo nga makabulig pauswag sa lokal nga industriya sang turismo
subong man mapreserbar ang “paraw” bilang legasiya
gikan sa sinauna nga panahon sa maragtas sang Ilonggo; mapakita
ang abilidad (seamanship) sang mga “paraw” sailors
ilabi na sang mga Ilonggo nga mangingisda ukon manuglayag
kag madala ang espiritu sang kapistahan sa ila kabuhi.
Nag-umpisa ang paindis-indis sang mga Paraw
sadtong 1973 paagi sa Department of Tourism, Syudad sang Iloilo,
kabanwahanan sang Oton, Jordan, kag Buenavista, Philippine
Coast Guard kabuylog ang iban pa gid nga mga organisasyon
kag mga ahensya.
Ginapaabot nga magakari man diri tion sang
festival ang pila ka mga dalagko nga tawo gikan sa iban nga
pungsod kag isa sa mga kumpirmado nga makadto ang Manager-Director
sang Noweigan Training Center-Manila sang Norweigan Maritime
Foundation nga si Stein Eriksen.
Ginbansagan man ang Paraw Regatta bilang “The
Oldest Traditional Craft Event in Asia” kag “The
Largest Sailing Event in the Philippines”. David Mikael Taclino
Inyu Web Development and Design
Creative Writer
0 comments:
Post a Comment