1 Batol

Kahapon, matapos ang akon klasi sa eskwelahan, upod sang akon masigka-manunudlo naghagaray kami sa pag-inom sang isa ka botelya. Mga pasado alas-kwatro sang hapon, naglakat kami pakadto sa banwa sang Sta. Barbara agod mag-inom sang isa ka botelya. Nakalab-ot kami sa ilimnan nga ang ngalan "Karson's" kag didto na nagsugod ang akon nga istorya.
Mahimo ang tagsa-tagsa gid may kina-iya nga maghimo sang iya desisyon, apang sa masami ang ini nga desisyon ang indi gid masunod, kag amo gid sini ang natabo. Sang ara pa lang kami sa eskwelahan ang amo plano nga isa lang ka botelya ang amon nga imnon, tungod indi mapaktan nga sirkumstansya kag tungod sa kadasigon sang paginom ang una nga botelya na ubos gilayon. Isa man ka rason nga ang akon kaupod, pila na man kami ka bulan nga wala magkit-anay kag may madamo gid kami sing topiko nga dapat pag-istoryahan, amo gani nga nagdugang pa gid sang isa.
Nangin talunsay pa ang amon pag-istoryahanay samtang gina amat-amat namun batyag ang kahulogbon nga dala sang pula nga kabayo. Naglipas ang mga inoras kag nagdamu nga nagdamu na gid ang amon nga gin-inom. Paglab-ot sang mga tini-on pa, nagdesisyon kami nga amo na lang yadto ang katapusan nga botelya kag magapa-uli na kami. Huo, nahibal-an namon nga kon makadugang pa, basi indi na kami ka puli sa tagsa namon ka pululi-an.
Amo gani nga dapat gid tandaan, likawi ang pagsiling, "1 batol ta"

David Mikael Taclino
Inyu Web Development and Design
Creative Writer

Read More

Mga Pagbag-o

Sa una nga mga pagpakigbahin ko sa inyo, pila sa mga maragtas ka hiligaynon nga pulong ang akon ibutang, kag ini mismo ang rason kon ngaa ang ginbutang ko nga laragway iya ka Daderic nga Alpabeto bangod sa punto nga igasay-say ko ang pila ka mga tinaga nga ginagamit sang mga ilonggo sa paghambal sang hiligaynon. Ang akon ginbasihan sang pagsulat amo ang Kauffman Dictionary. Huo bisan nga isa ka dumulu-aw ang nagsulat sini, indi naton manigar nga sya gid ang isa nga una nga nakasulat sang Diksyunaryo nga Hiligaynon. Luwas sa sina, tinguhaan ko nga makabutang sang pila ka mga dinalan nga gikan mismo sa akon, kag sa iban pa nga mga tawo. Halimbawa na lang magabutang ako sang mga binalaybay, loa, paktakon kag madamo pa nga iban, kabay nga malipay kamu sa naha-una ko nga tanyag!
Para sa tinaga subong nga adlaw:
patulúg-tulúg, (H) Caus. of tulúg-tulúg.
To give a little rest to, to let doze, snooze,
sleep, take a short nap. Patulúgtulugón mo
lang ánay inâ. Let it rest for a while. Sleep
over it. (cf. pahilónghilóng)

Halimbawa: "Sa tapos sang isa ka makapoy nga aga, nangita siya sang isa ka lugar, nagbasa ka libro kag nag patulúg-tulúg sa idalom sang kahoy.

Paktakon:
Ara na siya, indi mo pa makita. Sabat:hangin

LOA:
Didto sa amon sa Ilog
may kapre gakatulog
ginpitik ko iya itlog
daw lingganay katunog


David Mikael Taclino
Inyu Web Development and Design
Creative Writer

Read More

Dinagyang, Anu gid ang Dala sini?

 

Matahom gid ang tagsa ka sa-ot kag tunog sang mga drums samtang nagasa-ot ang tagsa ka hangaway sa pagsaulog sang Dinagyang. Indi manigar nga naga-uswag gid ang Iloilo tunggod sang Dinagyang, nagadamu ang turista diin nagadul-ong sang madamo nga kita sa mga negosyante sa syudad. Ang mga pagka-on nagabakal, kag ang mga balaligya madamo ang kita. Suliton ko, daku gid ang ginadala nga pag-uswag sang Dinagyang.

Apang sa pihak nga bahin sini, may mga malain gid nga epekto ini sa palibot, una gid sa tanan grabe na gid kadamo ang basura sa tagsa ka tuig nga nagatapos ang Dinagyang, huo mas madamo gid ang nagahaboy sang ila basura bisan diin lang sang sa nagapanglimpyo sa sini, indi gid makontrol ang aton mga kauturan sa paghaboy sang basura. Luwas sina, nagagamo ang palibot, yara na dira ang pagma-uy ka mga hubog, ang mga hold-up kag kidnap, ang mga insidinte nga nadalahig sa droga kag ang mas malala nga prostutisyon.

Ang pamangkot, ano ang aton mahimo sa sini?













David Mikael Taclino
Inyu Web Development and Design
Creative Writer

Read More

Ilonggo Bloggers Event at SM City Iloilo, July 31 2009

Date: Friday, July 31, 2009
Time: 1:00pm - 5:00pm
Location: Lower Ground Floor, Foodcourt Hallway, SM City Mandurriao

This is the first ever bloggers’ event in Iloilo. Sponsored by SM City Iloilo. All bloggers and forum members are invited to join in the fun, win prizes and take home freebies!

This event is solely hosted by Sm City. Brian Miag-ao, one of the IT personnel in SM City, invited me and other bloggers and forumers in Iloilo to participate.

The Marketing people from SM City will be emailing forum admins and bloggers about this event and what it’s going to be about. Please wait for that email.

Source: FaceBook Event posted by Claire

UPDATE! UPDATE! UPDATE!

The event will be for the launching of FREE Mallwide Wi-Fi for SM City Shoppers.

Snacks will be served for FREE.

The only thing that bloggers will bring is a wifi ready laptop. For those who do not have laptop there are demo units from tenants for the participants to use during the activity, but very limited.

For those who will be attending, please confirm your attendance on Claire’s facebook post (see above) or comment on this post. Please do this ASAP. I need to submit your names by the 23rd.

Thanks gid!

For sure I will be there! see you there fellow bloggers!


David Mikael Taclino
Inyu Web Development and Design
Creative Writer

Read More